SOTNABEAIVI 26.1.2020 – 12.00 INDIGENOUS: SÁZUT IDENTITEHTAS (ođđasit) SIIDA

 

Sukaskieskwew / Strong Earth Woman

Kanada, 2019, 5 min.

Bagadallan / giehtačálus: Madelaine McCallum (cree/métis)

Giella: Eaŋgalasgiella

Ealligovva buorideamis, das mo ráhkisvuohta veahkeha vásihit ja váldit buohcuvuođa alcces ja luoitit das luovus.

 

Marēikura

Aotearoa/Ođđa-Selánda, 2019, 7 min.

Bagadallan: Tihini Grant (maori), Tristin Greyeyes (cree), Alika Maikau (kanaka maoli/havaijilainen)

Buvttadan: Libby Hakaraia (ngati raukawa/ngati toa rangatira/te ati awa)

Giella: Eaŋgalasgiella, maorigiella, tekst. eaŋgalasgiella

Áhčči áŧesta meariheamit nuorra maorinieidda váldit bearraša árbevirolaš moko kauae (gáibetatauvva). Nieida lea maŋimuš áhkus sogas. Son eahpida ja duskida iežas ovddasvástádusain ja smiehtada makkár váikkuhusat leat mearrádusas joatkit soga árbevieru.

 

Река / River

Saha/Ruošša, 2019, 20 min. 

Bagadallan / Giehtačálus: Dmitrii Davydov (saha)

Buvttadan: Sardana Savvina (saha)

Giella: Jakuhttagiella, tekst. eaŋgalasgiella

Nuorra vieljašguovttos leaba báhcán ádjá dikšui go vánhenguovttos jámiiga biilalihkohisvuođas. Nuorat viellja lea gártan rullastullui. Sivalašvuođas dovdi boarrasut viellja viggá oažžut su fas julggiid ala ja mearrida geavahit eahpedábálaš vugiid. 

 

Ho Mamma e dau for hælvete 

Sápmi/Norga, 2019, 14 min. 

Bagadallan: Per Ivar Jensen 

Giella: Dárogiella, tekst. eaŋgalasgiella 

Eatni jápmin buktá bearraša oktii. Ruossálasvuođat sámi identitehtain vuojehit sin masá ravdda badjel ovdalgo sii áddejit, maid kultuvrra dohkkeheapmi dahje dusten oaivvilda.

 

Ngā Koekoeā

Aotearoa/Ođđa-Selánda, 2019, 9 min. 

Bagadallan: Joshua Teariki Baker (cookinsaarelainen), Chaplin Hall (kanaka maoli), Jamiee Poipoi (ngāti kahungunu) 

Buvttadan: Libby Hakaraia (ngati raukawa/ngati toa rangatira/te ati awa) 

Giella: Eaŋgalasgiella

Nuorra maorinieida deaivá váttis bottus Shaniqua, guhte iežas muitalusain roahkasmahttá su leat gievra ja dohkkehit iežas almmá gáhtama ja heahpada. 

 

Spirit Glitch

Kanada, 2019, 8 min.

Bagadallan/Giehtačálus: Mary Galloway (cowichan) 

Buvttadan: Greg Delmage, Mary Galloway (cowichan), Annette Reilly, Patrick Sabongui 

Giella: Eaŋgalasgiella

Alice vuodju ain čiekŋalebbui eahpedoivui ja áŧestussii. Son galgá čoaggit maŋimušge fámuid vai bastá dustet negatiivalašvuođa, mii du váivvida. Son ferte gávdnat gosnu fámuid váldit vuostá fas ođđa beaivvi.

 

Hinekura

Aotearoa/Ođđa-Selánda, 2019, 17 min. 

Bagadallan / Giehtačálus: Becs Arahanga (kai tahu/ngati raukawa) 

Buvttadan: Kath Akuhata-Brown (ngati porou), Sharlene George (rarotonga/tahitilainen) 

Giella: Maorigiella, tekst. eaŋgalasgiella

Nuorra maorinieida Hinekura dahká sirdinriittain earrodearvvuođaid mánnávuhtii. Su mentora Te Haeata vehkiin son oahpahallagoahtá dáistaleaddji dáidduid. Go dájáskan dáistaleaddji Wairangi viggá dohppet su oappá, su bargun lea suodjalit oappá ja iežas álbmoga.