KONSEARTTA: Nannaam lii uđđâ juávkku Anarist, mii čuojât anarâškielâlâš pop-muusik.

 

Nannaam lii uđđâ juávkku Anarist, mii čuojât anarâškielâlâš pop-muusik.

 

Pitáh jođetteh päikkijäävrist stuorrâ kaavpugijd, kuállejeh pegâlmâsâi haavdij lunne já mäccih maasâd toho kost pottii. Tiäđust-uv määđhi alne láá epiluholâš koskâvuođah já atâštume šoŋŋâdâhnubástusâst, sehe eres taan ääigi almoneh.

 

Šuoŋâin já saanijn västid anarâš Heli Huovinen. Pyevtitteijen tuáimá inuk-musikkár já pyevtitteijee Uyarakq. Mediataiđuu lii ráhtám Kevin John Francett oovtâst Huovisijn. Konsert koreografiain västid tánssájeijee-koreografi Janita Rantanen. Lyeve alne kuállee meid maaŋgâpiälásâš čeppi Anniina Veitonmäki, sehe eres páihálâš taidâreh.