LÁVVÁRDAT 25.1.2020 – 19.00 ERENOAMÁŠČÁJÁHUS: AUSTRALIA: MÁTKI SEAVDNJADASSII + SÁGASTALLAN SAJOS 

 

Australia aboriginálaid vuostá láhttema birra muitaleaddji ealligovva lea vuođđun panelaságastallamii, mas guorahallat otnábeaivvi áitagiid eamiálbmogiid guovdu.

 

Undermined: Tales from the Kimberley

Australia, 2018, 92 min. 

Bagadallan: Nicholas Wrathall

Buvttadan: Stephanie King, Albert Wiggan (bardi-kija-nyul nyul), Mark Jones

Giella:  Eaŋgalasgiella, krioligiella

Deksten: Eaŋgalasgiella

Fámolaš ruvkedoaimmat, guođoheapmi ja eanandoallu uhkidit Australia viiddis ja guoskameahttun Kimberley guovllu. Mii báhcá čuđiid doaresbeal eamiálbmogiid servožiin, go gutnihis industriija duolbmá báikkálaččaid rivttiid? Albert Wiggan, okta filmma buvttadeaddjiin, lea mearkkašahtti oasis máidnasis, mii guorahallá boaldi gážaldaga: gean ovdun ng. ovdáneampi dáhpáhuvvá? 

Eurohpá vuosttaseahket.