LÁVVÁRDAT 25.1.2020 – 15.00 BRASILIA: ÁRBEVIERU ČIEKŊALIS RUOHTTASAT SIIDA

 

Now is the Time

Kanada, 2019, 16 min.

Bagadallan/Giehtačálus: Christopher Auchter (haida) 

Giella: Eaŋgalasgiella, haidagiella, tekst. eaŋgalasgiella

Animašuvnna, arkiivvafilmmaid ja jearahallamiid vehkiin haidagovvačuolli Robert Davidson muittaša totemabácci duddjoma ja ceggema jagis 1969. Jávkan kulturvieru ealáskahttimis šadde dehálaš searvvušlaš ávvudoalut, mat ovttastit Haida Gwaiia sohkabuolvvaid ja čearddaid.

 

Guardiões da Memória / Memory Keepers

Brasilia, 2017, 52 min.

Bagadallan: Alberto Álvares (guarani-ñandeva)

Giella: Guaranigiella, tekst. eaŋgalasgiella

Viđa guaranigilis Rio de Janeiro oassestáhtas dahkkon dokumeanta govvida, mo njunnožat ja váhnemat lágidit muittuid ja dieđu ovddosguvlui rohkosiiguin, máidnasiiguin ja čáppa sániiguin rohkoslanjas.