Gos

 

SKÁBMAGOVAT 2021 ORDNEJUVVO OLLÁSIT ONLINE-FESTIVÁLAN. BUOT FILMMAT JA SIIDODÁHPÁHUSAT LEAT OAIDNINLÁHKAI FESTIVÁLAN ÁIGGE NEAHTTAOKTAVUOĐAID BOKTE. DÁN HÁVE EAT ORDNE OLLEGE ČÁJÁHUSAID BÁIKKI ALDE ANÁRIS KORONADILI DIHTE.

 

Skábmagovat lágiduvvo Anára gilis, mii lea Suoma sámeguovllu guovddáš. Anár lea anárašgillii Aanaar, nuortalašgillii Aanar ja suomagillii Inari. Anár lea viidodaga bealis Suoma stuorámus gielda ja dat lea Lappi eanangottis. Anáris hállet suoma-, davvisáme-, anáraš- ja nuortalašgiela. Anára gilis, mii lea Anárjávrri gáttis, ásset sullii 700 olbmo.

 

Festivála áigge ealligovvadáidagis návddašit golmma báikkis; sámemusea ja luondduguovddáš Siiddas, sámekulturguovddáš Sajosis ja muohttagis ráhkaduvvon Guovssahasteáhteris. Guovssahasteáhter leage okta Skábmagovaid deháleamos dovdomearkkain ja doppe muhtumin garra buollašisge vásihuvvon filbmačájáhusat báhcet sihkkarit millii!

 

 

Čájáhusbáikkit


0 Guovssahasteáhter
1 Sámemusea ja luondduguovddáš Siida | Restoráŋŋa Sarrit
2 Kulturguovddás Sajos | Kafea Čaiju

 

Eará bálvalusat gilis

3 Hotealla Kultahovi ja Restoráŋŋa Aanaar
4 Neste Inari
5 K-Market Inari | Otto-báŋkoautomáhta
6 Papana bar
7 Hotealla Inari ja Restoráŋŋa Aurora
8 Visit Inari
9 Sale Inari

 

Anára gilážis gávdnojit idjadan- ja restoráŋŋabálvalusat, guokte borramušgávppi, bensenstašuvdna ja dieđusge ollu earáge. Idjadanviesuid kapasitehta dihtii ávžžuhit festiválagussiid várret idjasaji áiggil. Gánneha maiddái váldit vuhtii, ahte Anáris ii leat beare álki johtit billa haga go almmolaš johtolat ii doaimma nu bures.