Čájáhusbáikkit

 

 

Festivála áigge ealligovvadáidagis návddašit golmma báikkis; sámemusea ja luondduguovddáš Siiddas, sámekulturguovddáš Sajosis ja muohttagis ráhkaduvvon Guovssahasteáhteris.

 

 

 

 

 

 

Sámekulturguovddáš Sajos lea sápmelaččaid parlameantadállu Suomas ja sápmelaš hálddahus-, kultuvra-, oahpahus- ja máhttinguovddáš. Sámekulturguovddáš lea ovdasajis dárkkuhuvvon sámiid iežaset geavaheami várás. Dat lea Suoma sámiid iešráđđema ja maiddái ealli ja ovdáneaddji sámekultuvrra symbola, man guovddáš doaibman lea sihke gáhttet árbevirolaš kultuvrra ja maiddái ovddidit ja ođasmahttit sámi servodateallima.

Easttahisvuohta: Hissain beassá Sajosa buot gerddiide. Hivssegat leat easttaheamet.

Skábmagovaid info ja bileahtaid vuovdin | Čájáhusbáiki | Skábmaklubba | Kafea Čaiju

Auditoriija Čohkkánsajit: 190

 

 

 

 

 

 

 

Sámemusea ja luondduguovddáš Siida lea Anára márkanis, guovdu Suomabeale Sámi. Siidda doaimmain vástidit Sámemusea ja Badje-Sámi luondduguovddáš. Siidda čájáhusat lea dáhpáhusat leat davviguovllu ofelažžan: Siida oahpista gussiid dološ ja ealli sámekultuvrii ja árktalaš lundui.

Skábmagovaid info ja bileahtaid vuovdin | Čájáhusbáiki | Kafea-restoráŋŋa Sarrit

Auditoriija Čohkkánsajit: 80

 

 

Guovssahasteáhter

 

 

 

 

 

Guovssahasteáhter lea oktá festivála beakkáneamos dovdomearkkan – ollásit muohttagis huksejuvvon Skábmagovaid iežas čájáhusbáiki olgun. Guovssahasteáhter lea sámemusea ja luondduguovddáš Siidda historjjálaččat mearkkašahtti olgomuseaguovllus, mii lea dološmuitilága vuođul ráfáidahtton. Guovssahasteáhterii oažžu johtit dušše merkejuvvon bálgá mielde, man álggu gávnnat musea olgeš bealde, olgouvssa lahkosis.

Guovssahasteáhteris vásihuvvon filbmačájáhusat báhcet sihkkarit millii; muhtumin ealligovain leat návddašan badjel 30 gráđa buollašis. Skábmagovat gal fállá bađavuložiid, muhto ieš galggat fuolahit, ahte leat albmalahkai gárvodan.

Čohkkánsajit: 250