BEARJADAT 24.1.2020 – 19.30 EAMIÁLBMOGAT IJAS GUOVSSAHASTEÁHTER

 

Lake

Kanada, 2019, 5 min. 

Bagadallan: Alexandra Lazarowich (cree)

Buvttadan: Cory Savard (métis)

Giella: Eaŋgalasgiella

Guokte métis-nissona vuolgiba guollebivdomátkái jávrri ala dálvit ealligovas, mii lea dahkkon Kanada boares dokumeanttaid vuoiŋŋas 16-millesažžan. Nissonguovttos ovddasteaba jo ovccát sohkabuolvva jieŋa alde guolásteamis gávppálaččat. 

 

You, the Choice of My Parents

Fidži, 2019, 4 min.

Bagadallan: Tumeli Tuqota (fidžilaš) 

Giehtačálus: Konai Helu Thaman (fidžilaš)

Giella: Tongagiella, 

Deaksta: Eaŋgalasgiella

Diktaanimašuvdna nissonis, guhte ráhkkana ordnejuvvon náittoadillái. Árbevirolaš tongalaš seaidnerátnui, ngatui, sárgásan govat speadjalastet nissona siskkáldas duoldama, go son ohcá báikkis ođđa máilmmis.

 

Awa

Aotearoa/Ođđa-Selánda, 2019, 8 min.

Bagadallan: Morningstar Derosier (anishinaabe), Tyson Mowarin (ngarluma), Jason Taylor (ngāti maniapoto/tainui)

Buvttadan: Libby Hakaraia (ngati raukawa/ngati toa rangatira/te ati awa) 

Giella: Eaŋgalasgiella

Awa ferte válljet skuvlla ja árbevieruid gaskkas muitalusas, mii govvida su oktavuođa birrasii ja áhkkui. Dál son vuolgá meahccái čoaggit dálkkasšattuid buohcci áhkkui.

 


Kakatshat

Kanada, 2019, 8 min. 

Bagadallan/Giehtačálus: Ève Ringuete (innu)

Gielat: Innu-aimungiella, fránskagiella, tekst. eaŋgalasgiella

Jagis 1829 nuorra almmái hilgu mátkkis áhkus. Máŋggaid jagiid maŋŋá su maŋisboahttit, áhčči ja gánda, ceggeba leairra báikái, gos nisu hilgojuvvui.

Davviriikkalaš vuosttaseahket.

 

Breaking Down

Kanada, 2019, 4 min.

Bagadallan/Giehtačálus/Buvttadan: Jessica Lea Fleming (métis) 

Giella: Eaŋgalasgiella

Musihkkavideo ávvuda hámi rievdadeami fámu ja ahtanušši artistta mátkki.